Jetz flackt’s scho wieda do, mei Katz,
druckt si her, ois hätts koan Platz,
dann schaugt’s mi mit grosse Äugerl o,
ob’s i ned endli krauln ko!
„Jaa“, sog i zu ihr, und wuuzl’s recht,
„bei uns, da host as scho ned schlecht,
konnst di mit da andern Katz“
- ab und zua a echte Matz –
„a bisserl in d’ Bettdeckn rolln,
und dir was zum Fressn holn,
oda nah am Fensta sitzn
und aussi zu de Vogerl spitzn!“
Scho schnurrt’s ganz laut und rollt si ei,
und denkt vielleicht „Geh, hoit de Mei!“

Copyright 2006 by B. Stoß